Davidsblogg

Ting 23: Over målstreken

2010-01-17T21:46:00.001+01:00

Nokre spørsmål før målstreken

Hva ble din favoritt 23 ting?
Mine favorittar: Musikk, Blogging, Video, Leik med bilde, Mashups, Virtuelle verder, Wiki
Min favoritt: Video eller Mashups

Har dette programmet hatt noen innvirkning på deg og dine læringsmål. Har du fått lyst til å lære mer?
Har fått utbytte av kurset, viss det er det som spørjast om, for all del. Har lyst å prøve ut / lære meir om nokre av desse verktøy, men også om mykje anna. Der er så mykje å lære her i verda!

Er det noe som har overrasket deg i løpet av kurset, noe du synes var spesielt nyttig å lære?
Ikkje noko overraskingar. Det har vore som forventa. Det som har vore mest nyttig er mulege bruksområde på biblioteket si heimeside, som vi har planar om å fornye i år, men mest interessant har likevel vore personlege bruksområde. Heile kurset har vore gjennomført for min del i fritida, på søndagar og seint på kvelden. Ikkje så rart at personlege interesser blir utprøvd i første rekke.

Forslag til forbedringer av kursopplegget?
Sidan det ligg på nettet, bør kurset redigerast/oppdaterast jamnleg. Undervegs har bruksområde i bibliotek vore nemnt, men nokre av desse har ikkje vore aktuelle lenge, som t.d. podcasting ved København bibliotek som ser ut til å ha fått eit mystisk slutt. Eg synst at ein kunne først ha gjennomgått kor aktuelle desse 23 tinga er i dag og korleis dei fungerer, og gått meir inn på bruken av dei i biblioteksamanheng. 23 er ikkje noko magisk tal. 17 er like greit.

Andre tjenester du hadde ønsket å ha med i opplegget?
Noko om brukarundersøkjingar.

Og sist, men ikke minst…

Dersom et nytt kurs ble tilbudt, ville du da ha ønsket å delta?
Viss det er eit vidaregåande kurs i opplegg som kan vere mest aktuelle, ja. Eg ser at FlickrCC kan vere eit spennande eksempel. Men der er ein samanheng mellom å vere på kurs og å bruke det ein har lært etterpå. Utvalde vidaregåande kurs kunne vere det ein treng med tanke på dette.
Eg trur ein må ha ein strategi for å ta i bruk aktuelle verktøy, som ein del av tilbodet, t.d. eit samarbeid mellom biblioteka som er representert på kurset om ein film.

Ting 22 Bibliotek 2.0

2009-12-30T22:53:00.006+01:00

Å! Teoretisk denne gangen.

* Hva kan bibliotek 2.0-tjenester hjelpe oss med å oppnå som vi ikke oppnår i dag?

2.0-tenester kan hjelpe oss å halde biblioteket oppdatert, å oppdatere brukarane om oss, og gjer tenesta meir spennande for nokre av brukarane våre. Det er klart ønskjeleg å auke brukarmedverknaden. Men det ikkje er det same som å seie at utan 2.0 kan ikkje vi gjere det. Vi i Haram folkebibliotek har hatt ein open brukarmedverknad i forhold til medieinnkjøp dei to siste åra. Brukarane har lagt merke til i kva grad vi er villige til å kjøpe inn bøker etter forslag frå dei. I november og desember er mykje av innkjøpet brukarinitiert. Dette er ei utvikling som skjer i samfunnet, men det ville vere ganske spekulativt å forklare dette på bakgrunn av web 2.0

Ved hjelp av Facebook eller blogg kan ein diskutere med brukarane. t.d. om mediaval og andre emne på internett. Dette gjer vi frå før over skranken. Til no har eg funne fram til enkelte brukarar for å informere dei via Facebook frå planken min, men vi har ikkje oppretta Haram folkebibliotek der enda. Eg har spurt ein ung brukar om dette, og ho syntest det er tull! Eg har likevel meldt meg på nokre organisasjonar på Facebook for å 'sjå korleis dei gjer det'. Reknar med at NBF blir bra etterkvart, men dialogen uteblir foreløbig. Brattvåg på Facebook er tilsynelatande daud, men sjølvsagt kan eg kanskje vekke den opp. Det har eg gjort på Hungarian Freedom Fighters 1956 og det har vore litt diskusjon :-) Der er i grunn der at eg har hatt mest glede av Facebook.

Har sett nærmare på Drammensbiblioteket og Trondheim folkebibliotek. Trondheim folkebibliotek på Facebook er ein suksess. Dei nye nettsidene er også like vellukka som dei gamle var - begge hyggelegare enn den heilt nye nettside til Drammensbiblioteket. Twittersida har mykje nytt, men å melde at ein har fått inn eit nytt Alicia Keys album utan kommentar er litt tvilsamt. Bloggen i Trondheim blir brukt til meir fyldige bokanbefalingar frå personalet (dei har heile 45 å hjelpe med det), men med få kommentarar.
Drammen på Facebook er derimot ein monlog, stikk i strid med 2.0 grunngjevinga. Der er svært lite eller ingen samspill med brukarane i heile 3 månadar, og det lille som er, er signert av dei tilsette (viss lista over tilsette stemmer). Drammen er ikkje noko landsby, skal vere eit spydspiss-bibliotek innan 2.0 og er også eit studentbibliotek. Her er ikkje Facebook brukt sosialt, men til marknadsføring - men det er greitt nok. Dette biblioteket har 5 bloggar, som ikkje er så aktive når ein skil ut julekalenderen.

Eg har prøvd å opprette ein Origo gruppe, for så å starte ein regional 2.0 møteplass (Nordre Sunnmøre), men dei andre i regionen har vore lite interessert i dette.

* Hvilke oppgaver er vi villige til å nedprioritere for å nå mål som handler om nye 2.0-tjenester?

Vi kjem til å bruke 2.0 verktøy, og det har vore veldig bra å få innspel frå kurset. Mange (men slett ikkje alle ser det ut som) under 30 år har eit forhold til Facebook, men det forholdet kan vere mindre viktig for dei enn ein fekk inntrykk av tidlegare. Ein grunn til å ikkje bruke 'henge med' grunngjevinga for å anvende 2.0 applikasjonar er at det signaliserer at vi er på etterslep når vi ikkje er det. Viktigare er det at ein bør ta i bruk 2.0 verktøy når vi ser at det er eit hjelpemiddel for å gjennomføre oppgåver vi har allereide prioritert, og det vi har prioritert har vi tenkt ut i forhold til samfunnet vi observerer rundt oss. 2.0 er eit verktøy, ikkje eit mål eller oppgåve.

Dei såkalla Taigatesene inneheld ein del sannheiter, ingen tvil om det. Men det varslast eit koas som vil måtte ryddast opp i. Eg kan ikkje sjå at 2.0 verktøy vil skape noko stort gjennombrudd på bekostning av andre oppgåver i biblioteket eller samfunnet forøvrig, men kan ha tilleggskonsekvensar. Eg tok opp spørsmålet om dialog med brukarane i samband med våre nye kommunesider, som er moderne og gode, men dette blir ikkje sett på som aktuelt.
Internett gjer det muleg å gjere det vi gjorde før på ein annan måte og biblioteka har vore flinke til å utnytte denne mulegheit. Nokre vil bruke 2.0 verktøy berre for å ta dette i bruk, men det er viktig å ha ein dialog med eit representativt utval av brukarane om det, for det er deira og ikkje våre interesser vi er her for.

* Hva slags 2.0 kompetanse kan brukeren forvente at vi som bibliotekansatte har, og hvordan skal vi gjennomføre en slik kompetanseheving?

Brukarane er mange. Vi tek i bruk dei verktøy og hjelpemiddel som vi ser samfunnet utvikler og har behov for å bruke, alt frå teleslynge til katalogar til mp3. Ei utvikling må skje i samråd med dei vi er tilsett for å tene, både som ein respons til dei og som tenesteutvikling for dei. Det er grunn til å stille eit spørsmål ved om dette skjer i Drammensbiblioteket, og det er viktig å vite kvifor 2.0 dialogen ikkje fungerer der.
I sommar jobba vi med ei sak der vi ville legge bilde, lenkar og meir på eit Google-kart. Vi kalte ikkje dette mashup eller 2.0 verktøy, men det er det det er. Vi hadde som mål å lage eit interaktivt kart, der ein kombinerer bilde og lenkar på eit kart slik at brukaren kan styre det. Men det var ein plan for å lage eit kart, ikkje for å bruke 2.0. Forskjellen er viktig. Det skjer at vi treng kompetanse for å gjennomføre ein plan, ein kompetanse vi må tileigne oss eller finne i eit samarbeid. Dette kan vere enda ein grunn til å samarbeide regionalt.
Eg har meldt meg på 2.0-kurset for å sjå om der er noko der som kan hjelpe meg å realisere slike mål, og ikkje på grunn av 2.0-konseptet i seg sjølv. Eg meiner at forventingane ikkje er til 2.0 kompetanse i biblioteket, men til tenesteutvikling og kompetansebehova dette utfordrar. Vi må vere på hogget når vi planlegger Det er ei kontinuerleg oppgåve. Vi kan ta i bruk 2.0 verktøy i den grad det hjelper oss med det, men å planlegge å ta i bruk 2.0 verktøy som oppgåve i seg sjølv ville vere feil utgangspunkt.

Ting 21 Web 2.0 awards

2009-12-26T16:12:00.006+01:00

Gjorde ein litt overfladisk gjennomgang av SEOmoz's Web 2.0 premiar. Mange gode tips til sider her. Mange av sidene er tradsjonelle nettsider er ikkje dei? Ser at mange premierte sider har lave 'Social Aspects', eller ingen. Slite med å skilje mellom 1.0 og 2.0 av og til.
Ser at Delicious gjer det bra alle plassar, men fekk dårleg karakter hos meg den gangen. Eg måtte ha hatt ein dårleg dag.
Så litt på sidene om bøker og prøvde ut VuFind, som skal vere skapt spesielt for bibliotek (men den trygleiksrisikoen som følgjer med). Fann faktisk ei interessant bok om interiørdesign som dekker 1920-1940 og som er relevant til noko eg forsker på, som eg då bestilt frå Dragvoll via Bibsys.
Dei premierte sidene for bøker er veldig forskjellige. 1. plass går til ei publiseringsverktøy, 2. plass til ei felles antikvariat-nettside, 3. plass til ein bibliotekkatalog. Desse er så forskjellige emne at det kunne vere å betre å samanlikne berre eitt av desse av gangen synst eg.
Biblio.com kom for 2. plass. Dette samanlikna eg med AbeBooks. Gjorde søk på desse to for nokre bøker eg har kjøpt det siste året eller 18 månadar, samt Erlend Loe og fann eit større utval på AbeBooks, utan å finne noko elles som skilt desse tenestene.
På SEOmoz's er det mange av sidene vi har vore innom under kurset. Men her var der også mykje anna spennande. Øvst på lista for meg akkurat i dag er Mapping Applications, som eg kunne ha brukt til mange interesser, og etter eit første blikk ville eg heller ha plassert Wayfarer på første plass, foran Frappr.
Under Travel, testa ut reisesidene med avgang ca. kl. 13.00 på mandagar på ruta Ålesund-Budapest - Europas 7. største hovedstad etter Roma. Kayak (2. plass) er rask og effektiv. Du kan til og med velje vekk propellfly!
Støyskapande Farecast (1. plass) var treigt og tidkrevjande. Ein kunne like godt søkje hos dei enkelte flyselskap og samanlikne. Bing (via Farecast) fann fram til ein SAS avgang kl. 04.35 frå Ålesund 18. januar som SAS sjølv ikkje finn! Får ikkje 1. plass med meg!
Raskare (berre 1 bytte) og billegaste reiserute fann eg på tradisjonelt 1.0-vis sjølv: Ålesund-København med SAS og København-Budapest med Malev. Tenkte at det er spesielle kunnskapar som eg tilfeldigvis har, men Malev flyr til 58 destinasjonar i heile verda med moderne fly, og burde vere med i kayak si teneste.
Ser elles at Bebo, som eg har brukt litt som sosialt nettverk før, kjem på 3. plass etter Twitter og Facebook. Synst sjølv at det er betre enn Facebook, då du kan gjere meir med sida di, og ikkje kommersielt som MySpace. Det irriterer meg litt at at det er så lite musikkutval på iLike musikk, som Facebook bruker. Du kan også søke opp det du veit er på Youtube, men det hjelper ikkje.
Det som eg vil utforske meir her:
Mapping Applications
Reisesidene
Slektsgransking sidene (når eg blir pensjonist)
Her er mi kåring av dei beste Sheffield Wednesday (2.0?) supporter-sider, basert på ei vurdering av brukarvennlegheit, analyse og nyheit:
1. Wednesdayite
2. Sheffield Wed
3. Sheffield Wednesday Mad
Bildet over er frå opprykksfinale frå tredje divisjon i 2005 - 68 000 til stades, pluss oss to.

Ting 20 Læring, E-læring og 2.0 E-læring

2009-12-24T00:21:00.003+01:00

Gjekk først inn på mgpodcast ettersom eg skal til Skottland snart, men det virker som skulen har slutta med podcasts for ein del år sida. Ikkje sikkert om eg fekk det til heller, då eit podcast om skulen på 'dagsrevyen' var ut av fokus.
Gjekk inn på http://www.blackboard.com/ som virker ganske så skikkeleg og seriøs. Er dette tradisjonell e-læring? Den har podcast, Desire2learn, Blackboardconnect, Blackboardtransact mm. Enten er ikkje eg sikker på kvar grensen går, eller så har Blackboard oppdatert seg.
Lasta ned pinyinchart for å tilnærme kinesisk gjennom vårt alfabet. Er forresten interessert i språk og var imponert over tilnærminga. Men du blir ikkje interaktiv på ein 2.0 måte med Chinesepod før du kan ein del, så det er i utgangspunktet ganske tradisjonelt inntil då. Gjekk laus med å pugge tonane, men så kom unntaka og halvunntaka...
Det er vanskeleg å vurdere Chinesepod før ein har lært nok til å delta/bidra med noko interessant. Sjølv med eit prøveabonnement var ikkje det råd å kome inn på leksjonane etter nokre dagar. Men det framstår som eit veldig bra opplegg, og veldig greitt for utlendingar busett i landet.
For dei som kunne tenkje seg å prøve eit annet språk enn kinesisk, t.d. eit språk ein kan litt frå før eller har lyst å lære, så er My Language Exchange eit alternativ, og der er 113 språk å velje mellom. Du kan chate munnleg eller skriftleg med nokon som kan språket du lærer, og som vil lære språket du kan. Eg brukte dette ein del år sida. Her er ikkje opplæringsverktsøy akkurat - det er det medlemmene står for, så du er interaktiv med det første. Det er kjapt å kome inn. Men du er heldig om du treffer nokon med pedagogisk innsikt. Slett ikkje alle kan forklare og lære bort morsmålet sitt.
Kurset om 23-ting om 2.0 har vore eit veldig greitt innblikk i nye verktøy som eg treng å vite noko om. Eit par verktøy håpar eg å ta i bruk i sommar, og fleire i privat samanheng. Kontakten med andre er gøy. Men eg har ikkje vore aktiv nok i forhold til andre deltakarar. Eg har fulgt med nokre sine bloggar, men sjeldent kommentert. Dette igjen gjer det vanskeleg å vurdere/skilje 2.0 e-læring og e-læring kanksje. Men det har vore ei veldig grei oppfinning dette kurset for å gi slike som meg større innsikt i 2.0 og sjølvtillit i forhold til snakke om det.
Det er eit faktum at skal ein lære, så må ein lese og eventuelt pugge i visse fag. Skal ein lære eit språk så må ein ha ein grammatik, skal ein skrive og snakke på ein kompetent måte. Det var ikkje råd å få tilgang til så mykje grammatikk på Chinesepod utan å abonnere.
E-læring kan neppe måle seg med seminardiskusjonar og kollikviegrupper. Blant dei unge som eg kjenner som studerer, som i høgste grad er aktive sosialt på nettet, så er den tradisjonelle boka og møtet med professoren høgt ansett.
Er 2.0 e-læring 'en helt ny form for e-læring'? Det kan hende, men det som er viktig er at læreprosessen gir resultat.

Ting 19 Virtuelle verder

2009-12-14T01:30:00.003+01:00

Mitt namn er Ildikona Leissa. Valt å bli dame i denne runden. Gått og lurt på korleis det er. Har fiksa litt på munnen og auga, utan speil. Må gjere skuldrene meir feminine etter kvart, då blir eg riktig lekker. Traff Kathy, som også var ny, men dette var jo Help Island. Vi ville til Berlin og fann ei tavle som kunne hjelpe oss. Fekk problem med Teleport. Vi kom oss ikkje vekk frå Help Island og flaug rundt saman i staden. Det var hennar sin idé for å kome vekk frå ein pågåande spanjol. Her i Second Life er det sjølvsagt mykje å utforske. Kjempegøy.

Etter tips på Norgesbiblioteket i Second Life bestilte eg boka Lek eller alvor : online spill og virtuelle verdener - på 2010-budsjettet:) til folkets bibliotek i Haram:
http://virtueltbibliotek.wordpress.com/2009/11/03/lansering-av-ny-bok-om-onlinespill-og-virtuelle-verdener/

Vegen derfrå til Norgesuniversitet er kort. Aldri hørt om det. Ikkje så overraskande med den usosiale velkomsten ein får:
http://norgesuniversitetet.no/usortert/norges-forste-virtuelle-campus

Vi har ikkje katt, så kjøpte ikkje World of Warcraft, men det ser bra ut. Har vore bort i noko liknande online med sønnen for ein del år tilbake.

Ting 18 Webapplikasjonar

2009-12-10T12:12:00.001+01:00

Ja, oppretting av konto på Zoho gjekk så bra. Eg publiserte ein artikkel (under) om Brattvåg frå Zoho Writer, det vil seie litt turistinformasjon som eg jobbar med. Filen fekk namnet Brattvåg først, men ved embedding vart dette avvist så det blei endra til Brattvag. Eg kunne like så godt ha brukt export to blog, noko som eg gjorde før eg kom på å sløyfe å i Brattvåg.
Det er ikkje stavesjekk eller ordliste for norsk. Det står "ikkje tilgjengeleg på ditt språk", men det kunne like godt ha stått "tilgjengeleg berre på engelsk", for fransk er ikkje tilgjengeleg heller.
Eg gjekk også laus på Zoho Show, etter som eg er invitert til å halde eit innslag om reiser på eit foreiningsmøte i januar.
I Zoho Docs har eg lagre ei mappe med 11 dokument om turistinformasjon og undermappe med bilde. Opplasting av eit dokument tok uforholdsmessig lang tid, og der er ikkje noko knapp for å avbryte, slik at ein måtte gå ut frå side og inn igjen. Då gjekk det bra.
Det er i alle fall greitt å ha eit sikringseksemplar på nettet. Litt uklart for meg om maks 10 MB er grensa for ein fil/bilde, eller alt ein kan lagre.
Funksjonaliteten ser ut til vere like god som det ein treng til det meste eg bruker i Microsoft Office, men eg har ikkje prøvd ut offline-funksjonen.
Dette er ein veldig nytt ting for meg som treng tilgang til arbeidet både heime og borte, men om dette skal erstatte tradisjonelle Office rutinar, så må ein ha gode rutinar. Ein blir forvirra viss ein har dei same dokument på begge plassar.

Brattvåg

2009-12-10T11:37:00.004+01:00

Ting 17 NOrigo

2009-12-08T22:03:00.001+01:00

Origo så med ein gang ut til å vere eit nyttig verktøy. Fann 16 bibliotekrelaterte soner. Så på andre tema som interesserer meg. Tenkte eg kunne bruke dette til bibliotekformål med ein gang ved å invitere nokon til å bli vennar og deretter lage ein bibliotekrelevant sone: Regionalt. Tanken var at vi kunne sjå om vi ville diskutere aktuelle saker som nytt møte, norgeslån, frakt og fjernlån generelt innanfor vår region. Sendte dermed invasjonar til dei 9 biblioteka i regionen (folke- og fag-) og brukte biblioteka sine epostadresser. Origo aksepterte berre 2 av desse 9 adresser, så eg måtte bruke personlege mobilnummer for dei andre 7 i staden. (Mobilen vart brukt for å verfisere meg).
Då gjekk det bra å få invitasjonane av gårde, og eg skriv litt i invitasjonen om baktanken. Men berre 2 av desse 9 (biblioteket ved Høgskulen i Ålesund og Skodje folkebibliotek) aksepterte venneforespørselen. Pinleg! Lagt på is.

Ting 16 Mashups - dette er tingen!

2009-12-06T21:09:00.007+01:00

Dette er ei meir krevjande oppgåve (men absolutt ein av dei mest interessante ting på kurset) som det er vanskeleg å utforske fullt ut i adventstida. Det å lage t.d. eit originalt og interessant temakart for andre, og konkurrere, framstår som veldig interessant, og eg skulle gjerne ha hatt overskot til å sette meg inn i dette og lage noko, med input frå minst to opne kjelder krev litt arbeid.
Mashup finst no på den norske (bokmål) wikipedia.
Det om den kanadiske telefonkatalogen er vel ikkje noko nyheit lenger.
Sidan i fjor sommar har sønnen og eg jobba med turistinformasjon om Haram og omegn. Dette er basert på Google maps, foto frå ymse kjelder og importert kartinfo elles. Dette er pr. definisjon eit mashup, men vi har aldri kalt det det. Vi er ikkje heilt ferdig.
Lenken til Ann Arbor District Library er daud. Eg har gått gjennom aadl.org, men det ser ut som dette mashup er heilt borte.
For språkinteresserte: på 23tingom2null.blogspot.com er 'programable' feilstava. Det er ikkje ei amerikansk side. Programme er engelsk, australsk, kanadisk; Program er amerikansk. Programme/Program har ca. 8 forskjellige betydningar (substantiv). Når det betyr dataprogram, blir stavinga program ofte anvendt også andre stader enn USA. Adjektiva programmable og programable følgjer imidlertid opphavet, men programming er likevel meir brukt enn progaming i USA.
Her er ein interessant online demonstrasjon (men ikkje mashup?) av Talis 4.3 for bibliotek (for dei som er meir enn berre god i engelsk):
http://www.talis.com/micro-assets/objects/mediaplayer.swf?file=http://talis-alto.s3.amazonaws.com/alto_help_4.3.flv
Ein må ha passord for å utforske Talis Developer Network i detalj.
Eit premiert mashup på programmableweb som skorar høgt hos meg er: http://www.programmableweb.com/mashup/access-denied-map
Her er altså eit kart over kvar i verda sosial nettverking er forhindra av sensur: Global Voices. Dette fekk sønnen og eg erfare i september i Syria. Men vi fann ein veg rundt.....når ein fekk kontakt med internett i det heile. Svakheten er at sidene må haldast oppdatert. Siste opplysningar her er frå 2007.

Dings XV: Lek med bilde

2009-12-06T17:15:00.002+01:00

Her er det mykje moro i sikte. Takk for tipsa! I mangelen av bibliotekfoto og ettersom eg ikkje ønskjer å eksperimentere med familien, blir det litt egoisentriske ting som blir produsert:
'Mine' Coldplay-konsertar i Bergen og Frankrike i mosiakk:

Eit kart over kor eg har vore på farten (glemte Bosnia):

http://bighugelabs.com/map.php

Ting 14 Personlege sider

2009-12-02T00:33:00.000+01:00

Har gjort meg kjapt ferdig med denne tingen. Det kunne vere morsomt å gå vidare med det ved høve. iGoogle virker ganske så...googlsk, men fungerer godt, medan Netvibes virker meir lekkert. Kanskje ein kan finne ein design som passar betre til personen med Netvibes. Eg meiner å ha sett ei liste over 10-12 produsentar av personlege startsider.
Har oppretta konto og lagt til det som skal. http://www.google.com/ig#max36l I følgje denne sida har eg fått eit stramt tidsskjema i desember, m.a. middag med Prinsesse Carolina av Monaco (må sikte høgt veit du). Etterpå blir det tripp, trapp, tresko med Pixie Lott, noko alle kan gjere ved å gå inn på sida hennar.

Ting 13: Må vi elske USA?

2009-11-29T13:12:00.008+01:00

I utgangspunktet så dette ut til å vere ein kjempeidé, og enkelt å bruke.
Bibliotek Rollyo Miljøvern fanga opp frå adresser som m.a. www.zero.no og http://www.naturvern.no/ i allefall. Veldig ok.
For å vurdere funksjonaliteten virkeleg, valgt eg å søke på eit stadnamn - eit naturgeografisk og ikkje administrativt område - lik Sunnmøre, i omfang og folketal.
Biblio Lesikonno har førehandsdefinert 5 adresser, m.a. http://www.snl.no/, men Rollyo.com fann likevel ikkje stadnamnet på denne adressa, sjølv om det er der.
Stadnamnet blei funne på http://nn.wikipedia.org/ fordi det er eit oppslagord der, men ikkje på http://no.wikipedia.org/ der stadnamnet berre er nemnt i tekster. Det finst 3 søkegrad: overfladiske søk, nettsøk og dybdesøk. Rollyo klarer tydelegvis berre det første.

Når der ikkje var resultat i dei førehandsdefinerte kjeldene, søkte Rollyo automatisk i 'heile weben'. Du liksom! Eg prøvde eit begrep eg har brukt på alle 23 ting, og Rollyo fann ikkje det, men Google.no fann opp til 81 000. Som bibliotekar vil ikkje eg kunne anbefale Rollyo som oppslagsressurs til brukarar utan ei lengre liste over forbehold.
http://www.zuula.com/ vil eg anbefale. Den er kjapp, resultata er oversiktlege, og desse ser ut til å vere graderte. For eksempel, slå ein opp eit stadnamn, kjem dei viktigaste sidane først, så kjem delemne som skular, idrettslag o.l., og til slutt mindre oppslag som tidsavgrensa prosjekt o.l.

Teikna likevel ein konto på Rollyo for å fullføre oppgåva oppskriftsmessig. Lydig som eg som oftast er, laga eg ein søkemotor som kan søkast i (sjå over), men les dette først!! Eg la til 23 nettadresser til bokhandlarar på nett: 4 norske, 3 britiske, 2 amerikanske, 1 dansk, 1 svensk, 3 franske, 1 polsk, 5 ungarske, 1 tysk, 1 italiensk, 1 russisk. Av desse 1 norsk, 1 ungarsk og 1 amerikansk antikvariatforhandlar. Då vart eg kjempefornøgd, eg hadde klarte biffen. Søkte deretter på 4 forfattarar:
1. Patrick Modiano, fransk, 64 år, skjønnlitterær forfattar med samfunnsrørsler og identitet som tema, som eg skreve oppgåve om under mastergradstudie i fransk. Han har skreve 27 bøker, derav 2-3 er oversatt til norsk, og 8 til engelsk.
2. Marek Krajewski, polsk, 43 år, skriv 'psykologiske thrillere'. Han har skreve 8 bøker, alle oversatt til engelsk, og 1 bok har nettopp kome ut på norsk.
3. Erlend Loe, norsk, 40 år, skriv for det meste ironiske romanar for alle aldersgrupper. Han har skreve ca. 18 bøker. Nokre av desse er oversatt til dansk, tysk, engelsk og fransk, alle til svensk og Naiv. Super er tilgjengeleg på minst 15 språk.
4. Krisztian Ungváry, ungarsk, 40 år, historikar (moderne historie). Har skreve 6 bøker, derav 1 er oversatt til engelsk og tysk i fleire utgåver.
Felles for desse er at dei:
1. lever
2. skriv mykje
3. er europeiske
4. burde vere søkbare i min søkemotor
Men min søkemotor hosta alltid opp den einaste amerikanske nettbokhandel først, og det er mange sider å bla gjennom på ein nettstad med dårleg serverkapasitet. Einaste konkurrent på så måte var .....den einaste amerikanske antikavriatforhandlar. Lenge etter desse finn ein fram til nettbokhandlarar i dei europeiske landa forfattarane bur, skriv og utgi sine bøker i.
Bøkene er til og med tilgjengelege på originalspråket på den amerikanske sida før du finn dei i det store utvalet av forhandlarane eg har teke med frå originallanda. Erlend Loes Naiv. Super i engelsk utgåve er utgjeve berre i det fagre Skottland, men hos min Rollyo.com søkemotor er det hos amerikanarane du skal helst kjøpe den!
Derfor måtte eg luke ut dei amerikanske. Dette er dumt - antikvariatforhandlaren http://www.abebooks.com/ er veldig bra.
Denne justering ga eit resultat som viste seg deretter å vere bra.

Kjip ting: Delicious ga ikkje meirsmak

2009-11-26T01:35:00.003+01:00

Gjorde temasøk på Facebook background. Der var bokmerke for dette, men resultata ga bakgrunn (for det meste på Twitter) og Facebook. Mykje å sjå på, som ikkje var relevant til søket. Eit bibliotekars mareritt? Då søkte eg på noko langt meir spesifikk: Budapest ostroma (= beleiring av Budapest - som kosta fleire sivile livet enn beleiringa av Stalingrad). Der var fire bokmerke basert på dette, men alle fire ga "No results...try the web". Naturlegvis fann Yahoo fram.

Dette blei ei samanlikning med å Google seg fram. Trur nok at Google + mine favoritter stikker av med ein stor seier. For det første ei god nettside er organiserert, med prioriteringar og balanse. Her kan ein legge inn alle lenkane ein treng. Når det gjeld mobilitet, så er nettsider tilgjengeleg overalt, og argumentet til Delicious er at bærbar med trådlaus samband ikkje er oppfunna enda. Det er berre det sosiale elementet som Delicious kan vinne på, og det er vel temaet her. Det gjekk an å finne fram til folk som har skreve artiklar om tema eg er interessert i. Det er berre å sende ein kommentar. Dette skal kanskje utforskast meir.

Granska meir på kart + stadnamn, men det som har klart flest tagger er...Google maps. Taggene den enkelte har lagt til er ramsa opp under - og dei fleste var kommersielle aktørar - ikkje så sosialt akkurat.

For dei som er ny til dette, som for eksempel meg, virker BlinkList betre: betre forklaring.

Så gjennom eksempla frå Buskerud Fylkesbibliotek og Dublin City Libraries på Delicious. Det som slår meg med bokmerka gjort av Buskerud er vi har hatt lenkar på vårt bibliotek sine nettsider til nesten alle desse i mange år - organisert på ein måte som skal hjelpe personalet og brukarane å finne fram. Skjønner at det er ei anna tilnærming og bruksmåte, men interessa mi blei vekka først når eg gjekk inn på heimesida til Buskerud fb. Heia Web1.0!

Fekk 1331 resultat for tagg Bibliotek2.0 og gjekk vidare inn på scribd.com, ikkje så veldig norsk akkurat, på grunn av mange bokmerke, og la merke til hovedoppgåver som kan kjøpast. Det var det eg syntest var mest interessant her og ville ha vore bokmerkeverdig for min del for lenge sida. Husker å ha funne fram online til desse på nettet før www (i telnet-dagane).

Noko for biblioteket? Vi må vere der slik alle andre som vil marknadsføre seg er, men berre for å unngå å vere fråverande. Eg kan ikkje sjå at Buskerud sine bokmerke er sosialt interessante. Eg oppretta ikkje noko konto på Delicious. Det virker litt kjipt og ga ikkje meirsmak, foreløbig.

Den ellevte Thing

2009-11-24T01:43:00.000+01:00

Ikkje så vanskeleg å finne ut av LibraryThing ved hjelp av 'turen' og katalogiseringa. Verre var det å velje 5 bøker. Skulle det vere vits, måtte det vere noko som ikkje alle andre har. Morsomt å sjå at LibraryThing leita fram til aktuelle nasjonalkatalogar.
Biblioteket mitt finn du her: http://no.librarything.com/catalog/dcb23t
Under ting 9 vart eg forundra over at 'embed' ikkje blir forsøkt oversatt til norsk. Dette ville ha gjort oppgåva lettare å forstå. Derfor meldte eg meg inn på gruppa LibraryThing på norsk, som jobbar med den norske versjonen: http://no.librarything.com/groups/librarythinginnorweg
Det kunne ha hyggeleg å ta seg fri i ein månad for å legge inn alle bøkene.
Har gjort ein del søk på emne, og sett på mulegheitane elles.

Alle gode ting er 10

2009-11-13T22:33:00.012+01:00

Kjekt å få musikkforslag. Det er mykje klassisk også. Lastfm ser ut til vere betre enn Amazon sitt "dei som liker/kjøpte, liker også...". Ikkje verst, går an å lytte til.
Har brukt Lag ny stasjon-knappen, men synst det er å gå for langt å seie at eg har laga denne stasjon: Mew, men om eg har så er eg godt fornøgd, og det fungerer ganske godt i forhold til denne artisten.
Ser at ein har ein jobb å gjere med å skrive omtaler for musikken som manglar dette, for eksempel for denne artist som eg kanskje også har laga stasjon for, kven veit: Autour de Lucie . Får ikkje musikken til å stemme så godt her akkurat, men denne gruppa har eg fulgt nøye sidan 1994, då dei fekk litt hjelp å starte i England. Eg fekk ein epost frå dei når dei slutta, og det var før denne lille gruppa blei oppretta på Lastfm. Likevel, du finn meg i gruppa: Autour de Lucie. Er med i ei anna gruppe på Youtube - det er betre, mellom anna fordi litt for mange ser ut å ha slutta å bruke Lastfm, der ein ikkje kan slette i biblioteket.
Elles på Youtube, dette paret som eg var heime hos i oktober for å drøfte oversettelse av to spor til engelsk (som dei ikkje kan). Ikkje så sofistikert akkurat, men eit høfleg, jordnært par:

Har søkt på konsertar både etter artist og stad, men der er lite som klaffer med mine planar akkurat no framover.
Har installert Scrobbler (Media Player). Det er smart.

Elles har eg oppdatert bibliografiske opplysningar om Dred. Eit problem på denne sida er at det kan vere eitt oppslag for fleire artistar med same namn. Du kan redigere dette slik at dei blir skilt, men du kan berre tagge det eine oppslaget. Då får du underlegge kombinasjonar - death metal og dance for eksempel!

Har brukt hodet med tanke på fordelar for biblioteket, men finn berre fordelar for individet så langt, men som med dei andre 22 tinga, så vil ein kanskje få god idé ein dag seinare .

Ting IX Video

2009-11-13T17:56:00.021+01:00

Eg har brukt Youtube aktivt ei god stund - meir enn dei 22 andre tinga tilsaman vil eg tru. Det var ikkje så vanskeleg å finne kulturinnslag frå Kongsberg med søk på Kongsberg og kultur. EnergiMølla ser ut til å vere vellykka.

Likte godt filmen om Kongsberg bibliotek, men ikkje innleveringsautomaten i Drammen. Denne filmen med småtøff musikk frå Rennes er betre meiner eg. Denne er om RFID / sjølvbetening. Filmen om innlevering kjem etterpå, sjølvsagt. Det er berre litt tekst på fransk, men halvparten av orda er som på engelsk.
RFID ved Rennes bibliotek

Eg søkte på eit innslag om finanskrisen som var populært blant næringslivsfolk i fjor her på NordVest. Søkte på finance crisis og comedian og 2007, og til slutt fann fram til denne filmen: To engelske komikarar forklarer oss finanskrisen i oktober 2007. Altså, dei set fokus på spekulantane og finansanalytikarane før media gjer det, og før nokon innrømmer krisen:
Finance crisis 14.10.2007

You tube er glimarande for å finne historisk filmmateriell:
Praha-våren i 1968 og opptøyane i Berlin ved murens fall var tilsaman langt mindre dramatisk enn revolusjonen i Ungarn i 1956, som så fleire tusen døde, bombefly, 200 000 flytningar, ein invasjon med 1000 tanks pluss artilleri. Ikkje minst, i 10 dagar var dette den einaste populær-nasjonal revolusjon mot ein totalitærstat verda har sett.
Men NRK, BBC og andre har lite å vise om 1956 (for eks. under 50-årsjubileet i 2006), fordi i opprenskinga var det farleg å ha noko befatning med foto og film frå revolusjonen. Derfor skjer det at vi oppfattar mindre dramatiske episodar med meir filmmateriell som større enn større episodar der vi manglar materiell.

Her er original opptak frå dei internasjonale nyheitsbyrå (på trygg avstand vel å merke, sjølv om det er litt skyting):
1956 Hungarian Revolution
Nokon har sydd saman denne film, utan voldsscener:
Soha nem láttott 56-os felvétel
Denne filmkollasje viser nokre meir grusomme ting:
1956 Forradalom
Regelrette kampscener er vanskeleg å finne.
Det finst også politiske konfrontasjonar av nyare dato som er lagt ut på Youtube, som misbruker assosiasjonar med verkelege hendingar - eit internettproblem framfor eit Youtubeproblem. Men desse er ikkje vanskeleg å gjennomskue, og etter mi meining er der relativt lite tull på Youtube, og mykje interessant. Søking på engelsk hjelpe deg fram til materiell i lokalspråket.

Trinn 8 Podkasting

2009-11-12T14:23:00.028+01:00

Ville la meg inspirere av podkast signert Thomas Brevik si stemme, men fann ikkje så mykje som eg ikkje kjente til frå før. Har høyrt han (podkast) på eit seminar. Siste nytt på http://bibliotek2null.blogspot.com/ er over 3 år gamalt!
Granska vidare ei dansk podside: norb.podhead.net og tenkte 'same kva ein gjer, så har danskane allereie vore der'.
Det endte med eit abonnement på podkast frå Rolling Stone, for musikken gjer alle dagar gode.
Er ikkje siste nytt på podcaster.no 3 år gamalt?

På København bibliotek sine podkast har dei podkast frå ein læsekunkurrence for barn...i 2007, og Biblioteksfejden, i to delar i 2008 (men akkurat dette finn du ikkje på http://www.kk.dk/). Og der endte podkasthistoria frå den kanten ser det ut som...
Har oppretta 9 feeder på Bloglines kontoen min. Det blir dessverre på engelsk alle saman ser det ut til, men ein god del er bibliotekrelatert. Har elles sendte podkast Fremtidens bibliotek til ærede 23-arar. Om dei har fått, veit ikkje eg. Nytt for meg men ikkje for dei kanskje, og innhaldsmessig ikkje så spennade.
Til slutt abonnerer eg no på Bok i P2 podkast. Lytta til nrk_bok_i_p2_2009-1105-0500_40566.mp3 om (ma.) Kjetil S Østli si "Politi og røver", som vi må kjøpe inn (boka altså).
Er podkast noko for biblioteket å prøve seg på? Eller rettare sak, er der noko hensikt i berre å prøve? Det må halde mål det ein gjer (nyskapande innhald, sensjonalt, originalt) for å konkurrere med det visuelle, viss ein skal nå fram til fleire enn oss sjølv og slekta. Er vi kompetent til det? Bør vi omorganiserast slik at ein av oss er kan det i det minste?
Ville vi samlast på eit møte for å høyre eit podkast i staden for å møte personen og sjå kva han/ho har å vise oss? Kunne vi sitte heim på 3. samling kvar for seg og lytte til innlegg og spare miljøet, i staden for å treffast? Nei, vi kjem berre til å fikle med andre ting (og Hilde får all sjampanjen til seg sjølv - det kan vi ikkje tillate - same sjampanjen som er lova til profilgruppa?).
Lyd må vere veldig interessant, om vi skal konsentrere oss. Nokre liker ikkje lydbøker (men liker ebøker) på grunn av ein begynner å fikle med andre ting. Det kunne vere greitt å vite kor mykje (i forhold til innsats) Drammensbiblioteket får ut av sine podkast, og kva trenden er. Høyrast litt skeptisk ut - vi må gå inn for noko eller la det ligge, i staden for å ta eit lite steg hit og eit lite steg dit. Vi må først sjå kva erfaringar større bibliotek som evner å gå inn for det gjer.

Skritt 7 Wiki

2009-11-09T11:35:00.002+01:00

Eg kan meddele at eg har vore på oppdagelsesturen og gjort oppgåvene knytta til Wiki. Dette gjekk fort, slik at eg gjekk laus på ekstraoppgåva med stor iver. Eg har skreve eit lengre nytt innlegg på Wikipedia (som eg kjem sikkert til å fortsette med). Det er på eit brukbart bokmål trur eg. I fritida blir det gjerne at ein skriv om fritidsrelaterte ting, denne gangen om ei verkeleg heltinne - Violette Szabó - i ein artikkel som tek med alle 'mine' fire landa: http://no.wikipedia.org/wiki/Violette_Szab%C3%B3
Som kjelder har eg brukt dei engelske og franske wikioppslag, bøker, "roll of honour" (nokon som kan oversette?), reportasjar.

Frå før hadde eg skreve snitt 2 og 3 i følgjande artikkel: http://no.wikipedia.org/wiki/Ungarsk
Dessutan har eg til og med korrigert og skreve om dette i Store Norske, som har blitt godkjent: http://www.snl.no/Bakony

Ting 6 Vennestadar

2009-11-04T23:52:00.005+01:00

Skaffa meg litt plass på Myspace. Så ut som ein lett kunne finne folk med fellesinteresser (Mew fans i Ålesund, Alizée fans i Norge) og meldte meg på, men det er ikkje spennande med så mange annonsar. Twitter har eg latt twit vidare utan meg, virker ganske overfladisk. Twit betyr forrestan idiot. Langt meir fornuftig er Underskog (når kursdagen er ferdig i hovedstaden og du vil vite kva som skjer), med programpostar på Deichman og Litteraturhuset også.

Facebook er artig og her har eg gjort leksene mine (har hatt noko liknande på bebo.com før -som er mykje kjekkare å jobbe med når ein skal legge til musikkvideo). Vurderte å opprette ei gruppe: Flerkult på Nordvest og sende invitasjonar, der bibliotekbrukarar og -tilsette kunne prate om bibliotektenester og norskopplæringa, men skjønner folk har ikkje tida under 23-kurset. Det er eit tankekors at Deichman har berre 140 medlemmer etter over 2,5 år. Bedre å utvikle nettsider? Er det Web 1.0 forrestan? Etter kurset nullstillast vi neppe, her er mykje interessant, so då får vi sjå kva vi får til.

I Google Oversettelse blir Ingebrigt Davik til Charles Chaplin jr!

2009-11-04T11:53:00.002+01:00

Det er nyttig og underhaldande å bruke Google Oversettelse. Tenesta bruker berre bokmål. Likevel, etter å ha prøvd Haram folkebibliotek si nettsida frå nynorsk til engelsk og til fransk, fann eg at resultatet er ganske bra totalt sett.
Tenesta sliter imidlertid med proprier, spesielt gate- stads- og organisasjonsnamn, ved å skape meiningslause setningar frå namn. Nokre personnamn blir heilt ville, som her! Nokre ord omsetjast ikkje, eller berre til engelsk.

Det hende i Taremarby av Ingebrigt Davik er omsett til engelsk som "Det kunne i Taremareby", som er foreståeleg, på fransk til: "Han i mai Taremareby", som er meiningslaust. Men alarmerande er det at namnet Ingebrigt Davik blir til Charles Chaplin jr., på engelsk, fransk og for ordens skuld også på ungarsk.

Tenesta sliter også med agglutinativt språk - t.d. når preposisjonen ligg i substantivet (kasus), eller når fortida er merka med ein bokstav i ordet og ikkje på enden, og utan hjelpeverb. Når dette skjer, blir ein klokare og forvirra på same tid!

Prøv sjølv! Legg t.d. http://www.haram.folkebibl.no/ eller ei anna adresse i ruta på http://translate.google.com/# og vel språka som skal omsetjast frå og til.

Den femte tingen: Flickreri og tagging

2009-10-30T22:59:00.001+01:00

Eit morsomt innslag. Picnik var enkelt å bruke og ga meirsmak, slik at eg registrerte meg på. Begynt på ein rundtur på Flickr, men fann ut at eg vil heller søke på ulike interesser. Har brukt Flickr's blogging tool og sendt ein test til bloggen (sjå under). Har teikna Flickr-konto og lasta opp eit mykje tagga foto, men 23tingom2null som tag gir svært få treff og det mest alvorlege er at mitt bidrag ikkje kjem opp! Har sendt ein foto frå Flickr via mail til andre enn 23-tingarar.
Tenkte det ikkje er så spennande med bibliotek utan folk, så her er ein annan arena med system og orden der mangelen på folk er om ikkje naturleg, nødvendig: ein vingard.
Det ferske bildet er frå Bakony, eit idyllisk område i Ungarn for å slå ned seg og lese, eller jakte. Om sommaren rømmer folk frå dei varme byane til område som desse, ganske avsidesliggande småkuperte strøk, omringa av åsar med skog og av og til med ei festning på toppen.
Frå desse toppane ser ein Balaton, ein av Europas største innsjøar. Om hausten kan det kome ein plutseleg, konstant sterk vind over sjøen. Fiskarane blir advart av eit lyssystem. Jo raskare vinden blåser i åsane, jo raskare blinkar lysa rundt sjøen. Nordaust for her finn vi byen Mór, medan Pápa med sitt nedslitte folkebibliotek i ein svær, nedslitt palass midt i byen er lokalisert mot nordvest.
Men for det mest er det framleis varmt om hausten her, og i samband med innhausting på garden blir det heller folksamt, og dei som overnattar i dei små lagerhusa kan få eit overraskande besøk av årets vinmester eller vinprinsesse. Men i dette bildet er det historie for i år - det er berre 1 varmegrad!

Flickr

2009-10-30T22:29:00.001+01:00

This is a test post from , a fancy photo sharing thing.

Ting IV Direkte kommunikasjon

2009-10-30T22:18:00.001+01:00

Det er 9 år sida (og berre då) eg chatta i eit forum som heiter My Language Exchange, der du saman forklarer og lærer bort ditt språk og får lære andre sine. Det var enklare då.
Har teke imot og sendt ut invitasjonar på MSN, og fått ein overraskande invit frå nokon i nabolaget også. Akkurat då eg trudde alle i biblioteknettverket hadde lagt seg, dukka Laila sitt muntert ansikt opp og vi blei enige om det meste:) Meir moro blir det når vi er fleire, men det må nesten avtalast på førehand. Eg er på dcb23t@gmail.com .
Har snekra ein ID på passport.net og har pynta litt på Live-profilen for å halde kontroll på kven eg eigentleg er.
Ser for meg at dette kan vere nyttig i ein dialog med brukarane som er interessert, men ein kan ikkje legge frå seg annet arbeid, med mindre det ligg føre friske midlar....
Har ikkje gjort anna enn å sjå på meebo.com

1,2,3 eller 4

2009-10-26T00:36:00.005+01:00

Har likevel jobba i det stille frå det fjerne med saka og er spent på kvar det vil føre. Ting 1 og 2 var greie, som for folk flest trur eg, men det vil ta tid å lage ein blogg ein er fornøgd med og få alt til å funke. Verktøyet som vi bruker for å skape eit sosialt plattform kunne etter mi meining har vore lit meir...sosialt utforma, dvs meir inviterande og forklarande. Men ein kjem vel betre overens når ein blir betre kjent. Ting 3 Feeder er grei. Har valt Google Leser og abonnerer på litt forskjellig som er lagt i mapper, men slit med delte-elementer. Kva er eit element, eller rettare sagt, kva ikkje er det? Så etter 3 ting sit eg igjen med 4, for har ikkje alle fått ein Google profil undervegs? Min er på: http://www.google.com/profiles/dcb23T

2009-10-26T00:30:00.007+01:00

Det var litt dumt eg ikkje rakk første samling. Hadde alt planlagt eit oppdrag i Ungarn som var for godt til å kansellere, for eg kunne misse ut på tilsvarande seinare. Forutan å tilbringe nokre timar på eit universitet i fire dagar og to laurdagsmøte med koordinatørar, har eg vore på oppdagingsturar. Ma. leigde eg bil for å oppsøke avsidesliggande boligområde, skogsområde, anlegg mm i Budapest, og øde grusvegar på fjellet, både for å ta bilde men også for å sjå stader som har til felles at ting har skjedd på desse plassar som ein har prøvd å dekke over. Men alle veit om dei, unntatt turistane. Elles var eg heime hos ein pop-duo, som musikalsk kan plasserast mellom Morten Abel og Aqua(?), som har to landeplagarar gåandes, som eg skal kanskje oversette til engelsk for dei. Her er ein av dei på tuben: http://www.youtube.com/user/dredmusic Elles gjekk temperaturen ned frå 28,5 til 3 i løpet 3 dagar, og alle lurte lenge på kvar dei andre 25,5 hadde blitt av. Aldri skjedd noko sånt før. Vi fann 7-8 av dei mot slutten av veka.